Qusarda civə həyəcanı

Qusar rayonunda Köhnə Xudat kəndində mənzillərdən birində bu gün səhər saatlarında fövqəladə hal baş verib.

Oxu.Az Fövqəladə Hallar Nazirliyinin məlumatına istinadla xəbər verir ki, mənzildə termometr sınıb, nəticədə daxilindəki civə ətrafa dağılıb.

Maye halında olan kimyəvi element nazirliyin Mülki-Müdafiə Qoşunlarının mütəxəssisləri tərəfindən yığılıb və çirklənmiş ərazi demerkurizasiya edilib.

Əməliyyat başa çatıb.