Lənkəranda maşın kanala düşdü

Lənkəranda minik avtomobili kanala düşüb.

ANS PRESS-in Fövqəladə Hallar Nazirliyinin (FHN) saytına istinadla məlumatına görə, rayonun Sütəmurdov kəndində “VAZ” markalı minik avtomobili kanala düşübr. Bu barədə nazirliyin “112” qaynar telefon xəttinə xəbər daxil olub.

Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub. Əməliyyat şəraiti qiymətləndirilərkən məlum olub ki, sürücü deformasiyaya uğramış avtomobildə sıxılmış vəziyyətdə qalıb.

Xilasedicilər təhlükəsizlik qaydalarına riayət etməklə sürücünü avtomobildən çıxarıb və aidiyyəti üzrə təhvil veriblər. Əməliyyat saat 00:47-də başa çatıb.