FHN dəhşətli qəza barədə açıqlama verdi

Fövqəladə Hallar Nazirliyi bu gecə Bakıda baş vermiş dəhşətli qəza barədə rəsmi açıqlama verib.

ANS PRESS-in FHN-nin saytına istinadən verdiyi məlumata görə, Bakı şəhəri, Sabunçu rayonunda “İVECO” markalı sərnişin avtobusu ilə “VAZ” markalı minik avtomobilinin toqquşması nəticəsində yol-qəza hadisəsi baş verib.

Hadisə yerinə dərhal Fövqəladə Hallar Nazirliyinin müvafiq xilasetmə qüvvələri cəlb olunub.

Hadisə yerində əməliyyat şəraiti qiymətləndirilərkən məlum olub ki, minik avtomobilinin sərnişini hadisə yerində vəfat edib və avtomobildə sıxılmış vəziyyətdə qalıb.

Xilasedicilər deformasiyaya uğramış avtomobildən meyiti çıxarıb və aidiyyətı üzrə təhvil veriblər.

Əməliyyat saat 23:25-də başa çatıb

Xatırladaq ki, bu gecə Zabrat-Maştağa yolunda 105 saylı marşrut xəttində işləyən avtobusla "VAZ-2107" markalı avtomobil toqquşub.

Nəticədə minik avtomibilində olan 3 nəfər - 1 sürücü, 2 sərnişin ölüb.