Rusiya və Azərbaycan Xəzərdə təlim keçirəcək

Rusiyanın Hərbi Dəniz Donanması ilin sonuna qədər Xəzər dənizində iki beynəlxalq təlim keçirəcək, bu təlimlərdə Azərbaycanın və Qazaxıstanın HDQ (Hərbi döyüş qüvvələri) iştirak edəcəklər.

Oxu.Az RİA Novosti-yə istinadən xəbər verir ki, bu barədə bazar ertəsi HDD (Hərbi dəniz donanması) komandanı admiral Viktor Çirkov bildirib.

Xəzər dənizində 2015-ci ilin avqust ayının 3-dən 11-nə kimi beynəlxalq ordu oyunları çərçivəsində ilk dəfə olaraq “Xəzər Kuboku-2015” və “Xəzər derbi-2015” keçiriləcək.

2015-ci ilin sonuna qədər Xəzər dənizi akvatoriyasında ən azı iki beynəlxalq hərbi-dəniz təlimin keçirilməsi planlaşdırılır”, - Çirkov “Xəzər Kuboku-2015” və “Xəzər derbi-2015” beynəlxalq ordu müsabiqələrinin açılış mərasimində bildirib.

O əlavə edib ki, təlimlərdən biri Xəzər donanmasının Rusiya HDQ, Qazaxıstan HDQ və Azərbaycan HDQ-nın iştirakı ilə üçtərəfli, digəri isə Rusiya-Azərbaycanın iştirakı ilə olacaq.

“Bu təlimlərin gedişatında Xəzər dənizi akvatoriyasında sabitlik və istənilən təhlükənin istisnası məqsədilə qarşılıqlı fəaliyyəti məsələləri işlənəcək ”, - komandan bildirib.