Alman malları Yunanıstana görə boykot olunacaq

Alman brend və malları boykot hədəfinə çevrilib.

ANS PRESS-in məlumatına görə, öz ölkələrinə kreditorlar tərəfindən maliyyə yardımının göstərilməsi şərtlərindən narazı qalan yunan fəallarının təşəbbüsü ilə baş verib.


Yunan fəalları sosial şəbəkələrdə boykota çağırış edib

#BoycottGermany heşteqi ilk dəfə Twitter sosial şəbəkəsində hələ ötən həftə qeydə alınıb. Cəmi bir həftə ərzində o Avropada ən populyar heşteqə çevrilib.

Qeyd edək ki, bu yaxınlarda Yunanıstan parlamenti beynəlxalq kreditorlardan maliyyə yardımının alınması haqqında qanun layihəsini təsdiq edib .


#BoycottGermany Avropada ən populyar heşteqə çevrilib

Layihə ilə bağlı səsvermədə parlamentin 300 üzvündən 229 nəfər layihənin lehinə, 64 əleyhinə səs verib, 6nəfər bitərəf qalıb.

Xatırladaq ki, ötən gün Yunanıstanda hökumət əleyhinə etiraz aksiyası keçirilib. Nümayiş iştirakçıları polisə içərisində alışan maye olan şüşə qablar atıblar. Hüquq mühafizəçiləri isə cavab olaraq, gözyaşardıcı qazdan istifadə edib.