Kim Çen In daha bir nəfəri edam etdi

Phenyanda yerləşən tısbağa fermasının meneceri, KXDR rəhbəri Kim Çen Inın tənqidindən sonra güllələnib.

Oxu.Az RİA Novosti-yə istinadən xəbər verir ki, bu barədə “Daily NK” qəzeti Şimali Koreyadakı mənbənin məlumatına əsasən bildirib.

“Meneceri marşalın Phenyandakı Tedonqan çayı sahilində yerləşən tısbağa fermasına səfərindən sonra güllələyiblər”, - mənbə qəzetə telefon söhbətində bildirib.

“Daily NK”-nın məlumatına əsasən menecer bütün rezervuarlarda yetərincə yem və su olmadığı, bunun tısbağaların ölümünə səbəb olduğu üçün edam edilib.

Mənbə həmçinin izah edib ki, fermanın su təchizatındakı problemlərə səbəb elektrik enerjisinin verilməsindəki fasilələrdən asılıdır.

Güllələnmə barədə məlumatı Phenyandakı digər iki mənbə də təsdiqləyib.