Ancelina Coli yenə ana olur

Dünya şöhrətli aktyor cütlük yenidən övladlıq uşaq götürürlər. ANS PRESS-in məlumatına görə, Ancelina Coli və Bred Pitt ailələrini böyütmək üçün hərəkətə keçiblər. Bu Hollivudun məşhur cütlüyünün 4-cü övladı olacaq.

Övladlığa götürmə işləri bu il yayın sonuna kimi baş tutacaq. Bu barədə "The Daily Express"ə ailənin iş tərəfdaşlarından biri bildirib.

Mənbənin sözlərinə görə, cütlük Suriyadan olan uşağı ailələrinə qatmaq niyyətindədirlər. "Ancelina sağlamalıqla bağlı problemərini həll etdikdən sonra onlar Bredlə birlikdə ailəyə daha bir uşağı daxil etmək zamanı gəldiyinə qərar veriblər. Bu yəqin ki, qız olacaq", deyə mənbə bildirib.

Xatırladaq ki, Ancelina və Bredin ümumilikdə 6 övladı var. Onlardan üçü doğma, üçü isə övladlıqdır.

Fevral ayında onların Suriyadan olan Mussa adlı oğlan uşağını övladlıq götürmək istəməsi barədə məlumat yayılsa da, bu təsdiqini tapmamışdı.