Amerika, yoxsa Çin?

ABŞ-da 2030-cu ildə dünyanın ən böyük iqtisadiyyatına sahib olacaq ölkələrin reytinqi müəyyənləşdirilib.

ANS PRESS-in məlumatına görə, bu barədə Bloomberg agentliyi xəbər yayıb.

Bildirilir ki, ABŞ-ın Kənd Təsərrüfatı Nazirliyi tərəfindən hazırlanmış makroiqtisadi proqnoza uyğun olaraq ABŞ 2030-cu ildə ən böyük iqtisadiyyata sahib olacaq. Bu ölkənin ümumi daxili məhsul (ÜDM) üzrə dünyadakı payı indiki 23 faizdən 20%-dək azalacaq. Belə ki, 2030-cu ildə ölkənin ÜDM-i 24,8 trilyon dollar təşkil edəcək.

Reytinq siyahısında ikinci yeri 22,2 trilyon dollar göstərici ilə Çin iqtisadiyyatı tutur. Üçüncü yerə 6,6 trilyon dollarla Hindistan sahib olacaq. Siyahıda Rusiya 2,4 trilyon dollarla 10-cu yeri tutur.

Xatırladaq ki, Qərbin sanksiyalarından sonra Dünya Bankı Rusiya iqtisadiyyatı üzrə proqnozu pisləşdirib.