İŞİD 130 ailəni girov götürdü

Suriyada İŞİD terrorçuları 130 ailəni girov götürüblər.

Oxu.Az xəbər verir ki, bunu Rusiyanın Suriyada münaqişə tərəflərinin barışdırılması mərkəzinin rəhbəri general-leytenant Vladimir Savçenko deyib.

O bildirib ki, oktyabrın 13-də terrorçular El-Bahra rayonunda qaçqın düşərgəsinə hücum ediblər. Nəticədə 700 nəfər girov götürülüb.

Girov götürülən insanlar Xacin şəhərinə aparılıb.

Savçenko həmin insanlardan “canlı sipər” kimi istifadə oluna biləcəyini istisna etməyib.