Paşinyan Koçaryanın həbsini şərh etmədi

Ermənistan baş naziri Nikol Paşinyan sabiq prezident Robert Koçaryanın həbsini şərh etməyib.

Oxu.Az Ermənistan mətbuatına istinadla xəbər verir ki, Paşinyan açıqlamasının təhrif edilə biləcəyini deyib.

“Düşünürəm ki, bu gün açıqlama versəm, bu, təhrif edilə bilər və məni işə qarışmaqda ittiham edərlər. Ancaq hesab edirəm ki, Ermənistanın istənilən vətəndaşı bu sualın cavabını bilir”, - o bildirib.

Hazırda apellyasiya məhkəməsi Robert Koçaryanın onun həbsi ilə bağlı şikayətinə baxır.