Nikol Paşinyan: “Qalib xalq, təbrik edirəm”

“Sən qalib gəldin, məğrur Ermənistan Respublikası vətəndaşı. Bu qələbəni heç kim sənin əlindən ala bilməz. Qalib xalq, tərbik edirəm”.

Bu sözləri Ermənistanda Serj Sərkisyanı cəmi 5 gün əvvəl tutduğu baş nazir postundan istefa verməyə məcbur etmiş “Mənim addımım” etiraz hərəkatının lideri, deputat Nikol Paşinyan özünün Facebook səhifəsində yazıb.

Hazırda yüz minlərlə insan İrəvanın mərkəzi küçə və meydanlarında Sərkisyanın hakimiyyətdən uzaqlaşdırılmasını bayram edir. Təxminən bir saat sonra İrəvanın mərkəzi meydanında bayram mitinqi başlayacaq.