Ermənilər rəsmən açıqladılar - "Bu il Naxçıvan məsələsini qapadacağıq"

Əgər Ermənistanla İrana qarşı dostluq etmək istəyirsinizsə, bu alınmayacaq, amma əgər Ermənistanla sadəcə dostluq etmək istəyirsinizsə və burada Türkiyə məsələsi də varsa, o zaman buyurun!

Bunu "1in.am” saytına İsrailin İrəvanla İran əleyhinə dostluq qurmaq istəməsi məsələsini şərh edərkən erməni politoloq Levon Şirinyan deyib.
"Biz bu il Naxçıvan məsələsini qapadacağıq. Bu siyasi-hüquqi baxımdan olacaq. Niyə? Ona görə ki, blokadanın aradan qaldırılması vacib əhəmiyyət daşıyır. XİN hesab edir ki, situasiya dəyişib və bu canlı orqanizm Naxçıvanla bağlı siyasi-hüquqi sənədləri hazırlamalıdır. Bu məsələ beynəlxalq məhkəmələrdə həll edilməlidir. İnqilabi ruh ortaya qoyulmalı, o cümlədən bu, hərbi fəaliyyətlərdə də əks olunmalıdır”, – deyə o bildirib.