“F-35” Rusiyanın “S-300”nə qalib gəlib

İsrail hava qüvvələrinə aid “F-35I Adir” qırıcısı Suriyada hava reydi zamanı rusiyalı hərbçilərin sərəncamında olan “S-300” zenit-raket kompleksi (ZRK) tərəfindən aşkarlanmayıb.

Oxu.Az xəbər verir ki, bu barədə “Popular Mechanics” jurnalında Co Pappalardo adlı ekspertin məqaləsi dərc olunub.

Ekspertrin sözlərinə görə, Tartus bazasında qərarlaşan rusiyalı mütəxəssislər onu havada aşkarlasaydı, qırıcıya qarşı tədbirlərin görülməsi üçün məlumatları Suriya və İran hərbçilərinə ötürərdi.

Ona görə, ekspert hesab edir ki, İsrail qırıcısı Rusiyanın Suriyadakı “hava sipərini” gözəgörünməz şəkildə yara bilib.

Ekspert əmin edir ki, beləcə “F-35I Adir” lazım gəlsə İran hava məkanına da, “S-300”lərin olmasına rəğmən xəlvətcə daxil ola bilər.

Qeyd edək ki, Rusiya “S-300” ZRK-nin İrana tədarükünü 2016-cı ilin oktyabr ayında başa çatdırıb.