KİV: Səudiyyə Ərəbistanında PUA çevriliş xəbərlərinin yayılmasına səbəb olub – YENİLƏNİB

“The Wall Street Journal” qəzetinin jurnalisti Marqarita Stankati bildirib ki, Səudiyyə Ərəbistanının paytaxtı Ər-Riyadda ciddi heç nə baş verməyib.

Virtualaz.org mənbəyə istinadən xəbər verir ki, hər şeyə səbəb pilotsuz üçüş aparatının kral saratına həddən artıq yaxınlaşması olub. Bu məlumatı “Reuters” də təsdiqləyib.

Daha öncə Ər-Riyadda çevriliş cəhdinin baş verdiyi bildirilirdi.

* * *00:14

Səudiyyə Ərəbistanının paytaxtı Ər-Riyadda dövlət çevrilişinə cəhd həyata keçirilir.

Bu barədə öz mənbələrinə istinadən "Associated Press" məlumat yayıb.

Bildirilir ki, çevriliş cəhdinə ölkənin quru qoşunlarının rəhbəri general Alukas Neplis başçılıq edir.

* * *00:04

Hüquq mцdafiəçisi Əli Əl-Əhməd özünün “Twitter” hesabında təsdiq edib ki, kral Salman ibn Əbdül-Əziz əl Səud saraydan təxliyyə olunub.

Mənbənin sözlərinə görə, kral “Kral Xalid” hərbi bazasına aparılıb.

Sarayın ətrafında atışmanın davam etdiyi bildirilir.

* * *23:32

Sosial şəbəkələrdə yerli mənbələrin verdiyi məlumata əsasən, Səudiyyə Ərəbistanının paytaxtı Ər-Riyadda kral sarayına silahlı hücum baş verib.

Virtualaz.org mənbələrə istinadən bildirir ki, hazırda saray istiqamətində atəş səsləri eşidilməkdədir.

Kralın hava limanında təhlükəsiz bir yerə sığındığı, vəliəhdin isə atəş altında olan sarayda olduğu deyilir.