Sarkisyan etirazçıları dialoqa çağırdı

Ermənistanın baş naziri Serj Sarkisyan onun təyinatına etiraz əlaməti olaraq aksiya keçirənlərin rəhbəri Nikol Paşinyanı dialoqa çağırıb.

Oxu.Az-ın xəbərinə görə, bu barədə baş nazirin rəsmi saytında yerləşdirilən məlumatda bildirilir.

“Genişlənən daxili siyasi proseslər məni dərindən narahat edir. İtkilərdən qaçnaq üçün Nikol Paşinyanı danışıqlar masasına oturmağa dəvət edirəm. Bunu dərhal etmək lazımdı”, - məlumatda bildirilib.

O əlavə edib ki, hökumət dinc aksiyalarda iştirak edən vətəndaşların hüquqlarına hörmət edir və edəcək, ancaq gedən proseslər gözlənilməz nəticələrə səbəb ola bilər.