Tramp: İranda dəyişikliklərin vaxtı çatıb

ABŞ prezidenti Donald Tramp İranda hökumət əleyhinə etiraz aksiyalarını şərh edərkən bildirib ki, dəyişikliklərin vaxtı gəlib.

Oxu.Az-ın xəbərinə görə, Tramp bu barədə öz Twitter səhifəsində yazıb.

“İran çökür. Neçə illərdir ki, böyük İran xalqı repressiyalardan əziyyət çəkir. Dəyişikliklərin vaxtı çatıb”, -Tramp qeyd edib.

Qeyd edək ki, bundan əvvəl İran Ali Milli Təhlükəsizlik Şurasının katibi Əli Şamhani etirazların arxasında ABŞ, Böyük Britaniya və Səudiyyə Ərəbistanının dayandığını bildirmişdi. O, etirazların bir neçə gündən sonra başa çatacağını deyib.

Xatırladaq ki, dekabrın 28-dən İranın Tehran, Məşhəd, İsfahan və Rəşt şəhərlərində kütləvi sosial etiraz aksiyaları keçirilir. Aksiyalar zamanı ən azı 20 nəfər ölüb.