Kiyevdə partlayış zamanı məşhur rus jurnalisti həlak olub

Məşhur televiziya jurnalisti Pavel Şeremet Kiyevdə həlak olub.

Oxu.Az “Ukrainskaya pravda”ya istinadən xəbər verir ki, Şeremetin olduğu avtomobil iyulun 20-də partlayıb.

Partlayış yerli vaxtla saat 07:45-də olub, Şeremet sükan arxasında olub. Hadisə yerinə polislər gəliblər.

Son beş ildə Şeremet Kiyevdə yaşayırdı, “Ukrainsakaya pravda” nəşrində işləyirdi və “Vesti” radiosunda aparıcı idi.

Daha öncə Şeremet Rusiyanın ORT telekanalında və “Birinci kanal”da çalışırdı.