İslam İttifaqının əsas hədəfi: İran, yoxsa İŞİD?

Belə bir koalisiyanın mövcudluğu bölgədə terror qarşı mübarizədə öz töhvəsini verə bilər.

Bu sözləri Axar.az-a Yaxın Şərq ölkələri üzrə ekspert Vüqar Zifəroğlu İslam İttifaqından gözləntiləri şərh edərkən deyib.

Analitikin sözlərinə görə, sözügedən koalisiya terrorla mübarizə ilə yanaşı Yaxın Şərqdə İran maraqlarına qarşı da mübarizə apara bilər:

“Yaranan koalisiya rəsmi şəkildə terror qarşı mübarizəni daha effektiv təşkil etmək məqsədi ilə yaradılıb. Fikrimcə, belə bir koalisiyanın mövcudluğu bölgədə terror qarşı mübarizədə öz töhvəsini verə bilər. Amma bir məqam da odur ki, yaranan qüvvə nə dərəcədə hədəf kimi yalnız terror təşkilatlarını qarşısına alacaq. Bildiyiniz kimi, yaranan koalisiyaya qeyri-resmi olaraq "sünni ittifaqi" adı da qoyulub və ehtimal etmək olar ki, bu birlik əslində, ərəb bahari və eləcə də 2015-ci il Vyana razılaşmasından sonra mövqeləri ciddi şəkildə güclənən İranın maraqlarına qarşı ərəb müqavimətini gücləndirmək məqsədi də daşıya bilər”.