Casus qalmaqalı böyüyür

Rəsmi Moskva Polşa diplomatlarını cəsusluqda şübhələndiklərinə görə ölkədən xaric edib. Buna səbəb bir müddət əvvəl Polşanın rus diplomatlarını cəsusluqda ittiham edərək geri qaytarmaları olub.

ANS PRESS-in məlumatına görə, Rusiya Xarici İşlər Nazirliyinin rəsmi bəyanatında deyilir ki, Polşa hakimiyyəti rus diplomatlarını ölkədən xaric etməklə, "qeyri-dostcasına və təhlükəli addım" atıb. Bununla bağlı, Rusiya tərəfi münasib cavab tədbiri görüb və bir-neçə Polşa diplomatı siyasi dairələrdə cəsusluq üçün istifadə olunan "vəzifələri ilə uyğun olmayan fəaliyyətlərinə görə" ölkəmizi tərk ediblər."

Xatırladaq ki, Polşa mətbuatı ötən cümə günü 4 Polşa diplomatına Rusiyanı tərk etmək üçün 48 saat möhlətin verilməsi haqqında xəbər yayıb.