Saakaşvili: "Putin narahatdırsa, deməli doğru edirik"

Rusiya Prezidenti Vladimir Putin mənim bu ölkədə işləməyimi Ukrayna xalqının üzünə tüpürmək olaraq dəyərləndirdi.

Axar.az xəbər verir ki, bu sözləri Odessa vilayətinin qubernatoru Mixail Saakaşvili Rusiya Federasiyası Prezidenti Vladimir Putin haqda yazıb.

Saakaşvili öz Feysbuk hesabında Vladimir Putinin nazir Avakovla onun arasında yaşanan konflikti tragikomediya adlandırmasına şərh verib:

“Ötən gün Putin mənim burada çalışmağımı Ukrayna xalqının üzünə tüpürmək kimi qiymətləndirdi. Daha sonra isə ABŞ-ın mənə əmək vizası vermədiyi haqda yanlış iddia ilə çıxış etdi. Ukrayna Prezidenti Pyotr Poroşenkonun dediyi kimi – əgər Putin belə narahatdırsa, deməli, biz doğru yoldayıq”.