“Ərdoğan Rusiyaya qarşı yeni addıma hazırlaşır”

Türkiyə Rusiya təyyarəsini vurmaqla Kremlə göstərdi ki, heç vaxt onun öz hava məkanını işğalı etməsi ilə barışmayacaq.

Axar.az xəbər verir ki, bunu Ukrayna mətbuatına müsahibəsində Ukraynanın İstanbuldakı eks-konsulu Boqdan Yaremenko söyləyib. Onun sözlərinə görə, Ərdoğan Rusiyaya qarşı yeni addım atacaq:

“Ərdoğan ölkəni temperamentlə yox, sağlam düşüncə ilə idarə edir. Türkiyənin özünün hərbi və siyasi maraqları var. Xatırlamaq lazımdır ki, Suriya konflikti başlayan zaman bir Türkiyə təyyarəsi də eyni vəziyyətdə Suriyada vurulmuşdu. Biz başa düşməliyik ki, Türkiyəyə çoxlu müdaxilələr olub və Ankara bunların hamısına səbirlə yanaşıb. Onlar özlərinin müdafiə olunmaq iradəsini ortaya qoydular. Ukrayna Krımla bağlı bu mövqeyini heç vaxt ortaya qoymayıb. Buna görə də Kiyev Donbas müharibəsi ilə üz-üzə qaldı. Türkiyə bunu yaxşı bilir. NATO-nun üzvü olması Ankaranın özünün təhlükəsizlikdə olmasını düşünməyə əsas verir”.