İlham Əliyev Gürcüstana noyabrın 6-da səfər edəcək

Azərbaycanın dövlət başçısı İlham Əliyevin başçılıq etdiyi hökumət nümayəndə heyəti noyabrın 6-da Tbilisiyə səfər edəcək.

Oxu.Az xəbər verir ki, bu barədə "VZQLYAD" qəzetinə bazar günü Gürcüstan hökumətində bildiriblər.

Xatırladaq ki, ötən gün Gürcüstanın baş naziri İrakli Qaribaşvili Bakıya səfər etmiş və İlham Əliyevlə görüşmüşdü.

Onun səfəri barədə əvvəldən məlumat verilmirdi. Siyasətçilərin bir qismi, ekspertlər və KİV Bakıya gözlənilməz səfəri və Tbilisidə gözlənilən danışıqları Gürcüstan və Rusiyanın "Qazprom" şirkəti arasında əməkdaşlığın fəallaşması ilə əlaqələndirirlər.