İsrail hərbçiləri fələstinli oğlanı güllələdilər

İordan çayının qərb sahilində İsrail ordusu ilə qarşıdurmada fələstinli yeniyetmə həlak olub. Bu barədə Agence France-Presse bildirib.

Oxu.Az xəbər verir ki, mənbənin məlumatına görə, qaçqınlar düşərgəsində olan 14 yaşlı Leyt Xaldi Atara keçid-nəzarət məntəqəsi rayonunda sinəsindən güllə ilə vurulub. Yeniyetmə xəstəxanaya çatdırılıb, bir neçə saat sonra dünyasını dəyişib.

İsrail ordusunun mətbuat katibi bəyan edib ki, oğlan onlara tərəf yanan maddə ilə şüşəni atdıqdan sonra atəş açılıb.