İsrail əsgərlərinin yaraladığı 16 yaşlı gənc öldü

İsrail əsgərlərinin açdığı atəş nəticəsində yaralanan fələstinli gənc ölüb.

ANS PRESS-in məlumatına görə, Qüdsdə evinin yanında güllə yarası alan 16 yaşlı Məhəmməd Abdulcəlil Sinokrot dünyasını dəyişib.

Onun ailəsindən verilən yazılı şərhdə "oğlumuz evimizin yaxınlığında heç bir səbəb olmadan açılan atəş nəticəsində ağır yaralanmışdı. Bu səhər şəhid oldu", -deyə bildirilib.

Qeyd edək ki, Qüdsün Vadi əl-Cevzi məhəlləsində İsrail əsgərləri şam namazını qılmaq üçün Abidin Məscidinə gələn müsəlmanlara açdığı atəş nəticəsində 16 yaşlı Məhəmməd Sinokrot yaralanmışdı.