Nepalda daha bir zəlzələ

Sutka ərzində Nepalda qeydə alınan yeraltı təkanlar ölkə əhalisini təşviş içində saxlayıb.

ANS PRESS-in məlumatına görə, Nepalda növbəti güclü zəlzələ meydana gəlib. Bu barədə ABŞ Geoloji Araşdırma Mərkəzi (USGS) xəbər yayıb.

Xəbərdə bildirilir ki, bazar günü maqnitudası Rixter cədvəli üzrə 5.6 bal olan yeraltı təkan qeydə alınıb.

Zəlzələnin episentri paytaxt Katmandudan 41 km məsafədəki Kirtipur şəhərində, ocağı 10 km dərnilikdə yerləşib. Bu zəlzələ nəticəsində dağıntı və xəsarət alanların olub-olmadığı barədə xəbər verilmir.

Lakin şənbə günü qeydə alınan güclü zəlzələ nəticəsində ölənləri sayı 1805-i ötüb. Təbbi fəlakətdə 4700-dən çox insan xəsarət alıb.