Venesuelada etiraz aksiyaları zamanı 29 nəfər ölüb

Venesuelada bir neçə gündür davam edən etiraz aksiyaları zamanı 29 nəfər ölüb.

Oxu.Az xəbər verir ki, bu barədə “Venesuela sosial münaqişələr rəsədxanası” Qeyri-Hökumət Təşkilatı məlumat yayıb.

“Etirazlar zamanı 29 nəfər öldürülüb. Bu rəqəmlərə şəxsiyyəti təsdiq edilənlər daxildir”, - deyə təşkilatın “Twitter” səhifəsində qeyd olunub.

Bundan əvvəl Venesuela parlamentinin spikeri və müxalifət lideri Xuan Quaido özünü prezident vəzifələrinin icraçısı elan edib.

Onun ardınca ABŞ lideri Donald Tramp müxalifyönlü Venesuela Milli Assambleyasının rəhbəri Xuan Quaidonu rəsmi olaraq prezident vəzifələrinin müvəqqəti icraçısı kimi tanıyıb.