Azərbaycan sutkalıq neft hasilatını 35 min barrel azaltmağa razılıq verdi

Azərbaycan sutkalıq neft hasilatını 35 min barrel azaltmağa hazırdır. Virtualaz.org “Praym” iqtisadi xəbərlər agentliyinə istinadən xəbər verir ki, bu məlumat Nigeriyanın Neft nazirliyinin “Twitter” mikrobloqunda Vyanadakı görüşün yekunları ilə bağlı yerləşdirilib.

Məlumata əsasən, Rusiya sutkalıq hasilat həcmini 300 min barrel, Meksika 100 min barrel, Qazaxıstan 50 min barrel və Oman 45 min barrel azaltmağa razıdır.

Malayziya hasilat həcmini 35 min barrel azaltmağa hazır olduğunu bildirib. Bəhreyn 12 min, Boliviya 4 min, Bruney 7 min, Ekvatorial Qvineya 12 min, Sudan 4 min, Cənubi Sudan 8 min barrel azaldacaq.

Xatırladaq ki, bu gün Vyanada OPEC üzvü olmayan neft hasilatçılarının təmsilçiləri kartel üzvləri ilə görüşüblər.