Azərbaycan avtomatik top istehsal edəcək

Belə ki, 2015-ci ilin istehsal proqramına uyğun olaraq nazirliyin müəssisələrində yaradılma üzrə nəzərdə tutulan 81 mövzunu və 143 mərhələni əhatə edən təcrübi-konstruktor işləri uğurla davam etdirilir.

Oxu.Az xəbər verir ki, bunu “Azərbaycan” qəzetində dərc olunmuş məqaləsində Azərbaycanın müdafiə sənayesi naziri Yavər Camalov bildirib.

Nazir qeyd edib ki, hal-hazıradək 11 məmulat üzrə işlər tam başa çatdırılıb.

“Gecəgörmə cihazının, kompaslı prizmatik binoklların, mina üçün atəş yığımının, qumbaraatan üçün atəş yığımlarının, müxtəlif tipli mina partladıcılarının yaradılması işləri başa çatdırılıb və seriyalı istehsalı təmin edilib.

NATO standartlarına uyğun xüsusi təyinatlı “Yalquzaq” snayper tüfənginin, avtomatik topun, xüsusi təyinatlı hücum pulemyotunun və s. məmulatların təcrübi-konstruktor işləri davam etdirilir”, - deyə, o, bəyan edib.