ABŞ güzəştə getdi

Bundan sonra İran neftinin satılmasına maneə olmayacaq.

ABŞ prezidenti Barak Obama mayın 19-u milli təhlükəsizlik haqqında qanuna düzəlişləri imzalayıb. Düzəlişlərə əsasən Birləşmiş Ştatlar bundan sonra İran neftinin satışına maneə yaratmayacaq.

ANS PRESS-in məlumatına əsasən, ABŞ hökuməti bundan sonra İran neftinin bazardakı mövcudluğuna heç bir maneə yaratmayacaq. "Hərtərəfli birgə tədbirlər planına uyğun olaraq, ABŞ bundan sonra İran neftinin satış həcminin azaldılmasına yönələn mövqedən çıxış etməyəcək" - yazılan düzəliş sənədinə artıq Barak Obama imza atıb.


“AzəriLayt” markalı neft digərlərindən baha satılsa da, qiymətinin enməsi Azərbaycanın gəlirlərinə öz təsirini göstərir. Neft qiymətlərinin ucuzlaşdığı bir vaxtda ABŞ İran üzərindən beynəlxalq sanksiyaları götürdüyünü elan etdi. Bu qərar böyük neft ehtiyyatları olan İranın dünya bazarına sərbəst çıxışına şərait yaradacaq. Belə bir məqamda neft qiymətlərinin gələcək taleyi barədə suallar yaranır.