AŞPA-da Qarabağ münaqişəsi müzakirə ediləcək

Gündəliyə digər məsələlər də daxildir.

AŞPA-nın gündəliyinə Dağlıq Qarabağ münaqişəsinin kəskinləşməsi barədə məsələ daxil edilib.

Oxu.Az xəbər verir ki, bu barədə AŞPA-nın mətbuat xidməti məlumat yayıb.

Məlumata görə, AŞPA-nın yaz sessiyasının ilk günü aprelin 18-də “Dağlıq Qarabağ münaqişəsinin son və faciəvi gərginləşməsi” mövzusu üzrə müzakirə planlaşdırılır.

Gündəlikdə, həmçinin qadınların siyasi təqdimatının yaxşılaşdırılması üsulları, uşaqların marginallaşdırlması ilə mübarizə, Ukraynada müharibə zamanı əsirlərin humanitar məsələləri, Avropada antisemitizm ilə mübarizə məsələləri də yer alır.