İlin ən çox qazanc əldə edən aktyorları

“Forbes” jurnalı 2017-ci ildə ən çox qazanc əldə edən aktyorların siyahısını açıqlayıb.

Oxu.Az xarici mətbuata istinadən xəbər verir ki, ilk pilləni 68 milyon dollar qazanan Mark Uolberq tutub.

İkinci yerdə Dueyn Conson (65 milyon), üçüncü isə Vin Dizel (54 milyon) olub.

Siyahıda növbəti pillələri Adam Sendler (50 milyon), Ceki Çan (49 milyon), həmçinin Robert Dauni-kiçik (48 milyon) və Tom Kruz (43 milyon) tuturlar.

İlk 10-da Bollivud aktyorları da yer alıb: Şahruh Xan (38 milyon), Salman Xan (37 milyon) və Akşay Kumar (35 milyon).