Dövlət istiqrazlarına tələb təklifi kəskin üstələyib – RƏQƏM

Maliyyə Nazirliyinin manat nominallı dövlət istiqrazları ilə bağlı keçirilən hərraclarının nəticəsi açıqlanıb.

Aznews.info-un məlumatına görə, Fins.az Bakı Fond Birjasına istinadən xəbər verir ki, hərraca 10 milyon manat dəyərində istiqraz çıxarılsa da, almaq üçün daxil olan sifarişlərin həcmi 26 milyona yaxın olub.

Beləliklə, tələb təklifi 2,5 dəfə üstələyib.

Qeyd edək ki, hərrac zamanı 7 investor tərəfindən 17 sifariş qəbul olunub. Sifarişlərin nominal üzrə ümumi məbləği 25 milyon 734 min manat təşkil edib.

İstiqrazların ödəmə tarixi 14 mart 2017-cı ildir. İstiqrazların tədavül müddəti 91 gündür.