Bağlanan bankların əmanətçilərinə 252 milyon manat qaytarılıb

Əmanətlərin Sığortalanması Fondu (ADİF) tərəfindən sentyabrın 9-da “Parabank”, “Zaminbank”, “Kredobank və “Dekabank” ASC-nin qorunan əmanətçilərinə ümumilikdə 93 milyon 667 min manat ödənilib.

Bu barədə Fonddan Oxu.Az-a bildirilib.

“Atrabank” və “Qafqaz İnkişaf Bankı” ASC-nin qorunan əmanətçilərinə isə ümumilikdə 13 milyon 673 min manatdan artıq kompensasiya verilib.

Lisenziyası ləğv edilən digər üç bank; “Bank of Azerbaijan”, “Gəncəbank”, “Texnikabank” ASC-nin qorunan əmanətçilərinə isə 144 milyon 739 min manatdan artıq kompensasiya ödənilib.

Fond qeyd edir ki, ümumilikdə 9 bank üzrə 252 milyon 79 min manatdan artıq kompensasiya ödənilib.