Türkiyədəki “OMV Petrol Ofisi”nə Avropadan tələb yoxdur

“Türkiyədə Avstriya kapitallı “OMV Petrol Ofisi AS” şirkətinə Avropadan yüksək tələb yoxdur və şirkətin satışı 2017-ci ildən əvvəl baş verməyəcək”.

Oxu.Az xəbər verir ki, bunu “Reuters”ə açıqlamasında Avstriya enerji şirkəti OMV–nun CEO-su Rainer Seele bildirib.

“SOCAR Türkiye”nin keçmiş rəhbəri Kənan Yavuz isə etdiyi açıqlamasında bildirib ki, hazırda 2018-ci ildə bazara daxil olacaq neft zavodu tikirik:

“Əlbəttə ki, dağıtım bizim inteqrasiyamızın bir hissəsidir. Petrol Ofisinin satış prosesini araşdırmaq və təqib etmək istiqamətində SOCAR prezidenti Rövnəq Abdullayevin bir təlimatı var. Amma bu, o demək deyil ki, “SOCAR Türkiye” Petrol Ofisini satın ala bilər”.

Qeyd edək ki, şirkətin hazırda Türkiyədə 785 yanacaqdoldurma stansiyası var.