Antalyada hotellərin yarısı boş qalıb

Türkiyənin turizm şəhərlərindən biri olan Antalyada hotellərin dolma səviyyəsi cari ilin may ayında ötən ilin anoloji dövrü ilə müqayisədə 9,4% aşağı düşərək 57,8% olub.

Oxu.Az Türkiyə mətbuatına istinadən xəbər verir ki, bu barədə ölkənin Hotelçilər Federasiyası məlumat yayıb.

Orta hesabla hotellərdə otaqların qiyməti isə 31,9% aşağı düşərək 66,4 avro (təxmini 73 dollar - red.) olub.

Cari ilin yanvar-may aylarında hotellərin dolma nisbəti 49,3% olub. Bu nisbət ötən ilin analoji dövründə 50,7% idi. Bu dövrdə Antalyadakı bir otağa görə əldə edilən gəlir isə 36,1 avrodan 29,8 avroya (təxminən 34 dollar - red.) düşüb.

Ümumilikdə isə Türkiyədə hotellərin dolma nisbəti cari ilin may ayında ötən ilin anoloji dövrü ilə müqayisədə 19,1% aşağı düşərək 56,5% təşkil edib.