Qusarın turizm mərkəzlərindən istifadə edənlərin sayı artıb – VİDEO

Azərbaycanın qış turizmindən istifadə edənlərin sayı artıb. 2015-ci ildə Qusarın turizm mərkəzlərindən istifadə edənlərin sayı ümumilikdə 100 min idisə, bu il 120 minə çatacağı gözlənilir.

Son 2 ayda Qusarın turizm xidmətlərindən 50 min turist istifadə edib. Hazırda bölgədə istirahət edən xarici turistlərin sayı 10%-dir. Uzaq ölkələrdən də Azərbaycana üz tutanların sayı artır. Yerli turistlər daha çox həftəsonu bölgələrə üz tutur. Elə bu səbəbdən də sıxlıq yaşanır. Turistlər əsasən xizəklərdən istifadə edirlər. Xizəkdən istifadə qaydalarını təlimçilər öyrədir. Bu turistlərin həm özünün, həm də ətrafdakıların xəsarət almasını əngəlləyir. Yüksəkliyi sevənlər isə kanatlardan çox istifadə edirlər. Qusar turizm mərkəzinə turistlərin əksəriyyəti turlar vasitəsiylə gəlir. Növbəti turun iştirakçıları jurnalistlər oldu. Mədəniyyət və Turizm Nazirliyi Qusara mediatur təşkil etdi.