Obama neftin bir bareli üçün 10 dollar vergi təklif edəcək

ABŞ prezidenti Barak Obama 2017-ci il maliyyə ili üçün büdcədə neftin bir barelə görə 10 dollar həcmində gəlir təklif edəcək, bu vəsait iqtisadi təşəbbüslər və infrastruktur tikintisinə sərf ediləcək.

Oxu.Az RİA “Novosti”yə istiandən xəbər verir ki, bu barədə Ağ Ev məlumat yayıb.

Vergini neft şirkətləri ödəyəcəyi ehtimal edilir, vəsaitin isə şəhər nəqliyyatının, yüksəksürətli dəmiryol magistrallarının, ekoloji təmiz nəqliyyat növlərinin və robotlaşdırılmış avtomobillərin tətbiqinə sərf ediləcək.

Respublikaçılar tərəfindən nəzarət edilən konqressin bu təşəbbüsü qəbul etməyəcəyi gözlənilir.