Apple iPhone 6 Plus partiyasını geri çağırır

Apple istehsalat qüsuruna görə iPhone 6 Plus-un partiyasını geri çağırır.

Bu barədə CNN məlumat verib.

Oxu.Az xəbər verir ki, qüsur smartfonun kamerasındadır, nəticədə iPhone 6 Plus ilə çəkilən şəkillər dəqiq alınmır. Qüsur əsasən 2014-cü ilin sentyabr ayından 2015-ci ilin yanvar ayına qədər olan müddətdə satılan smartfonlardadır.

Qüsurlu qurğuların sayı dəqiqləşdirilmir. Xüsusi səhifədə qurğunun seriya nömrəsini daxil etməklə onun qüsurlu olub olmadığını öyrənmək mümkündür.