Bakıda iPhone 6-nın qiyməti açıqlandı

Artıq müştərilər bu gündən etibarən smartfonu əldə edə bilərlər.

Azərbaycanda iPhone 6 artıq satışa çıxarılıb.

Oxu.Az-ın bir neçə mobil telefonların satışı ilə məşğul olan mağazalardan əldə etdiyi məlumata görə Bakıda satılan yeni iPhonun qiyməti 1 695 AZN təşkil edir.

Məlumata əsasən, paytaxtda iPhone 6 16qb - 1 695 AZN, iPhone 6 64qb isə 1 895 AZN satılır. Lakin iPhone 6 Plus Azərbaycanda hələ ki satışa çıxarılmayıb və onun qiyməti bəlli deyil. Apple həvəskarları artıq bu gündən etibarən öz smartfonlarını əldə edə bilərlər.

Qeyd edək ki, “Apple” şirkəti 4,7 və 5,5 düym ekrana malik “iPhone 6” və “iPhone 6 Plus” adlı telefonlarını təqdim edib.

“iPhone 6” nın qalınlığı 6,9 mm, “iPhone 6 Plus”da isə 7,1 mm-dir.