İlhamə Quliyeva turneyə çıxır

Azərbaycanın xalq artisti, “Şöhrət ordeni” ilə təltif olunmuş İlhamə Quliyeva üçün bu il konsertlər baxımından məhsulda olacaq. O, bir-birinin ardınca konsertlər verəcək.

ANS PRESS-in məlumatına görə xanım sənətçi bu haqda ANS TV-nin “Günə Baxan” verlişində məlumat verib. İlk konsertini Müdafiə Nazirliyinin dəstəyi ilə oktyabr ayının 24-ü əsgərlər qarşısında verəcək. Daha sonra isə yaradıcılığı ilə bağlı hesabat xarakterli konsert turnesi olacaq. Azərbaycanın bölgələrində, Rusiya və Bakıda təşkil olunacaq konsert turnesi ilk olaraq Şəmkirdə baş tutacaq. Daha sonra Rusiyada və final olaraq paytaxtda olacaq.

İlhamə xanım Quliyeva vurğulayıb ki, artıq yarım əsrdən çox bu sənətdədir.