Bakıda yağmursuz hava olacaq

Sabah Bakıda və Abşeron yarımadasında dəyişkən buludlu, əsasən yağmursuz hava müşahidə olunacaq. Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova ANS PRESS-ə açıqlamasında bildirib ki, səhər bəzi yerlərdə zəif duman olacaq, gündüz cənub küləyi əsəcək.

Gecə 14-17°, gündüz 20-25° isti olacaq. Nisbi rütubət gecə 75-85%, gündüz 60-65%, atmosfer təzyiqi 767 mm civə sütunu olacaq.

Rayonlarda əsasən yağmursuz, bəzi yerlərdə duman olacaq. Şərq küləyi əsəcək. Aran rayonlarında gecə 12-17°, gündüz 20-25°, dağlıq ərazilərdə gecə 4-8°, gündüz 10-15° isti olacağı gözlənilir.