Balakən rayonunda turistlər üçün mədəni proqram təşkil olunur

AzNews.info xəbər verir ki, Balakən rayon Mədəniyyət və Turizm Şöbəsi tərəfindən yay mövsümünün başlanması ilə əlaqədar əhalinin, gənclərin, rayona gələn qonaqların və turistlərin asudə vaxtlarının səmərəli keçirilməsi üçün Heydər Əliyev adına mədəniyyət və istirahət parkında 01 iyun tarixindən başlayaraq silsilə tədbirlərin keçirilməsinə start verilmişdir. Şöbə tərəfindən tutulmuş qrafik əsasında kənd mədəniyyət evləri, klubları və kitabxanalar tədbirlərin keçirilməsində fəallıq göstərirlər.

Bildiririk ki, 05 iyun 2016-cı il tarixində Meşəşambul kənd folklor evi və Xalatala folklor klubunun təşkilatçılığı ilə konsert keçirilmişdir.

Məlumat üçün qeyd edək ki, bu kimi tədbirlərin həftə içi hər gün saat 19:00-dan 21:00-dək keçirilməsi planlaşdırılır.