Salyanda "Muzeylər milli sərvətimizdir" adlı tədbir keçirilmişdir - FOTO

AzNews.info xəbər verir ki, Hər il mayın 18-ni dünya mədəni ictimaiyyəti Beynəlxalq Muzeylər Günü kimi qeyd edir. 1977-ci ildə Beynəlxalq Muzeylər Şurasının XI konfransında təsis olunmuşdur. Bu bayram bir qayda olaraq xalqlar arasında mədəni mübadilə və əməkdaşlığın inkişafına kömək şüarı ilə keçirilir. Beynəlxalq Muzeylər Gününün əsas məqsədi muzeylərin cəmiyyətin həyatında nə qədər mühüm rol oynadığını göstərməkdir. Bu bayram dünyanın 100-dən artıq ölkəsində qeyd edilir. Tarixi, maddi və mənəvi abidələrlə zəngin olan, açıq səma altında yerləşən muzeylər ölkəsi - Azərbaycanda da Beynəlxalq Muzeylər Günü qeyd edilir. Bu peşə bayramı münasibətilə Salyan rayon Heydər Əliyev Mərkəzində də "Muzeylər milli sərvətimizdir" adlı tədbir keçirilmişdir. Tədbirdə "Tarixdən süzülüb gələn AZƏRBAYCAN" adlı qədim əşyalardan ibarət sərgi və “Multikultiralizmlə bağlı" Azərbaycanda multikultiralizm ənənələri hər zaman yaşayacaq" adlı kitab sərgisi təşkil olunmuşdur. Rayon ümumtəhsil müəsisələrinin şagird və müəllim kollektivi tədbirdə iştirak etmişdir.