“Tour A Vent” şirkəti tərəfindən Azərbaycana infoturlar təşkil olunmuşdur - FOTO

AzNews.info xəbər verir ki, İlk dəfədir ki Kazan şəhərindən təşkil olunan infoturda turizm şirkətlərinin direktor və menecerləri iştirak etmişdir. “AZAL” Hava Yolları ilə birgə baş tutan infotur iştirakçıları tərəfindən böyük razılıqla qarşılanmışdır.

İnfotur iştirakçıları Azərbaycanın mətbəxi, adət-ənənələri və mədəniyyəti haqqında müsbət fikirlər səsləndirmiş, gözəl və qonaqpərvər ölkə olduğunu qeyd etmişlər.

Səfər çərçivəsində iştirakçılar Bakı, Şəki, Qəbələ, Şamaxı və Naftalan şəhərlərinə səfər etmişlər. Azərbaycanda turizmin müxtəlif növlərinin inkişaf etdiyini, xüsusilə çimərlik turizminin geniş imkanlarının olduğunu bildirmişlər.

İştirakçılarda ən böyük təəsüratı Bakı şəhəri yaratmışdır. İlk dəfədir ki Bakıya səfər edən iştirakçılar, onun necə gözəl, müasir və yeniliklərlə göz oxşadığını, müasir memarlıq üslubu və tarixi tikililərlə sintez yaratdığını qeyd etmişlər.