“Ölkəmizi Taniyaq” layihəsinin iştirakçıları Qubaya səfər etmişlər – FOTO

2016-cı ilin 24-27 mart tarixlərində ölkəmizin tarixinin, mədəniyyətinin, adət-ənənələrinin, müstəqillik illərində əldə edilmiş nailiyyətlərin dərindən öyrənilməsi məqsədi ilə keçirilən “Ölkəmizi tanıyaq” layihəsi üzrə Ağdaş, Şirvan, Göyçay, Kəlbəcər, Xocalı, Ağdam, Xocavənd və Laçın rayonlarının məktəblilərinin Quba rayonuna səfəri baş tutmuşdur.

AzNews.info nazirliyə istinadən xəbər verir ki, Qubada olduqları müddətdə məktəblilər Qırmızı qəsəbə, Quba soyqrım memorial kompleksi, tarixi-mədəniyyət abidələri, Quba xalça sexi ilə tanış ediliblər. Tur iştirakçıları həmçinin, Xınalıq yolu üzərində yerləşən dağ şəlaləsinə səyahət ediblər. Daha sonra onlar, Rixos otel və oradakı qolf meydançası ilə tanış olublar.

Aksiya iştirakçılarının rayon ərazisində qarşılanması, gəzdirilməsində Quba Turizm İnformasiya Mərkəzinin əməkdaşları köməklik göstərmişlər.