Azərbaycanlının qatilinə ömürlük həbs cəzası verildi

Rusiyada millətçi İlya Qoryaçovu ömürlük həbs cəzasına məhkum ediblər.

Bu barədə Oxu.Az Qazeta.ru-ya istinadən xəbər verir.

İlya Qoryaçov “Rus millətçilərinin döyüş təşkilatının” (BORN) lideri qismində bir sıra qətlləri təşkil etməkdə günahkar bilinib.

Hakimin sözlərinə görə, Qoryaçova rəhm oluna bilməz.

Andlı iclasçılar kollegiyası Qoryaçovu beş qətlin təşkilində, o cümlədən vəkil Stanislav Markelov, antifaşistlər Fyodr Filatov və İlya Caparidze, azərbaycanlı Rəsul Xəlilov və tacik Salohiddin Azizovun qətlinin təşkilində günahkar biliblər.

Bundan başqa, o, silah saxlamağa görə mühakimə olunub.

Məhkəmə iclası zamanı Qoryaçov huşunu itirib.