Braziliya şəhərində iki gün ərzində 35 nəfər qətlə yetirilib

Braziliya polisi 18-19 iyul tarixlərində Manaus şəhərində 35 nəfərin qətlə yetirilməsini araşdırır.

Oxu.Az BBC-yə istinadən xəbər verir ki, ilk olaraq yerli bankın yaxınlığında polis əməkdaşı öldürülüb. Hüquq-mühafizə orqanları hesab edirlər ki, hadisə yerli mafiyaların öz aralarında apardığı müharibələrin nəticəsidir.

Manaus — Amazon ştatının paytaxtıdır. Bu şəhərdə 2014-cü ildə futbol üzrə dünya çempionatının oyunları keçirilib. 2 milyon əhalisi olan Manausda, orta hesabla, gündə 2-3 nəfər öldürülür.