20 yaşlı gəncdən ailəsinə zərbə

Ötən gün Ağcabədi rayonunda 20 yaşlı gənc özünü öldürüb.

ANS PRESS-in bölgə müxbirinin verdiyi məlumata görə, hadisə rayonun Yuxarı Qiyamadanlı kəndində olub.

Belə ki, kənd sakini 1994-cü il təvəllüdlü Şamxal Cümşüd oğlu Xankişiyevin meyidi yaşadığı evdə tapılıb.

Məlumat daxil olan kimi hadisə yerinə hüquq-mühafizə orqanlarının əməkdaşları cəlb olunub. Araşdırmalar zamanı məlum olub ki, gənc özünü asıb. İntiharın səbəbi araşdırmalardan sonra məlum olacaq.

Faktla bağlı Ağcabədi rayon Prokurorluğunda araşdırma aparılır.