Sinaqoqda qətliam törədən şəxs edam edilə bilər

Pittsburq sinaqoquna hücum edərək 11 nəfəri qətl etməkdə şübhəli bilinən Rob Bauerə qarşı 29 bənddən ibarət ittiham irəli sürülüb.

Oxu.Az xəbər verir ki, bu barədə ABŞ Ədliyyə Nazirliyinin saytında dərc edilən bəyanatda deyilir.

Daha öncə ABŞ-ın Baş prokuroru Ceff Seşns bildirmişdi ki, şübhəli şəxsə irəli sürüləcəyi gözlənilən ittihamlara görə o, edam edilə bilər.

Xatırladaq ki, sinaqoqa hücum şənbə günü, dindarların ora toplandıqları zaman baş verib. Nəticədə 11 nəfər həlak olub, 6 nəfər, o cümlədən 4 polis əməkdaşı yaralanıb.

Hücum edən şəxs polisə təslim olub.