İtaliyada mafiya başçısını çimərlikdə həbs etdilər

İtaliya polisi axtarışda olan və ölkənin 100 ən təhlükəli cinayətkarlarından biri sayılan Cüzeppe Ammendolanı Torvaynik çimərliklərinin birində həbs edib. Saxlanılan zaman o müqavimət göstərməyib.

Oxu.Az The Local-a istinadən xəbər verir ki, Cüzeppe Ammendola dələduzluq, çirkli pulların yuyulması və mütəşəkkil cinayətkarlıqda ittiham olunur.

Balaca Peppe ləqəbli Cüzeppe, neapolitan mafiyasına daxil olan “Kamorra” ailəsinin başçısıdır.

O 2012-ci ildən axtarışda olmağına baxmayaraq ailəsi ilə birlikdə Torvaynikdə istirahət edirdi.